E forsa di Grace tabata con pa defini e desafionan, atrae tur hende hunto pa descubri e solucionnan y permanece comprometi. “E tabata un persona masha critico y realistico, como tambe un sosten pa e otronan, e habilidadnan cu tabata imprescindibel pa e creacion di e Codigo. Pero tambe e tabata un persona masha agradabel y tabata capaz di habri cu mi tocante su propio dolor”. Nos tabata reuni pa bebe un koffie y simplemente combersa y yora hunto. E tabata masha habri tocante su pasado y e impacto riba su bida. Sinembargo, na mesun momento, e tabata converti e experiencia ey den un energia positivo pa converti su mes den e parti di cambio structural pa yuda e comunidad, Ras ta bisa. “Grace tabata dicidido cu ningun mucha mester biba su experiencia. Como un “US licensed coach”, e tabata kier a continua como Supervisor di e Codigo di Proteccion, pa sigura su mes, cu e sistema ta sigui sostenibel y fuerte.”

No tabata asina, pero e herencia di Grace, como un ferviente defensor di e muchanan ta biba cada bes cu aplica e Codigo di Proteccion, pa brinda e muchanan di Aruba un plataforma pa converti nan mes den adultonan sano y feliz.

“Mi a conoce Grace como profesional y su pasion pa scouting. Mi no a traha nunca cu ne antes, pero su experiencia amplio, conocimento y experiencia pa ehecuta proyecto na nivel nacional y na beneficio di e muchanan tabata hopi bon conoci.” Esaki tabata e motibo pa Sue-Ann no a duda di inclui Grace Maduro den e ekipo. “Ainda nos tabata buscando nos caminda, pero un cos si, Grace tabata sa masha hopi mes di e tema y con pa ehecuta un programa nobo, sin tin un manual di guia. E programa tabata basa su mes riba aprendizahe activo. Nos a conecta di biaha cu otro, pasobra nos a compronde e urgencia pa crea un sistema duradero pa garantisa bienestar, proteccion y siguridad di nos yiunan.”

Grace a conserva e experiencianan aki den secreto y el a enfoca su mes den su estudio. El a caba su enseñansa secundario y bolbe bek Hulanda. Despues di traha den Recursonan Humano pa GGD na Den Bosh, na momento cu el a finalisa su estudio, el regresa su isla natal. E tabata kier a yuda Aruba ta prepara pa e cambio constitucional importante di tabata forma parti di Antia Hulandes pa un pais autonomo. E tabata forma parti di e Oficina di Proyecto “Status Aparte”, cu e tarea pa traha como HR-consehero den Gobierno. “E tabata organisa curso pa e hefenan di e departamentonan nobo. E tabata jong, pero e tabata eynan,” su ruman homber Hubert ta bisa cu masha orguyo. Su trayectoria profesional a hib’e na e hospital di Aruba, unda el a dirigi e Departamento di Personal di Recursonan Humano. Grace a laga su puesto na hospital y a asumi e responsabilidad di nan negoshi familiar, esta Fantastic Gardens, vigilando y guiando asina su dos yiunan, cu actualmente ta dirigi e compania. Tabata durante e periodo ey tambe cu KPMG a acerca su persona pa traha den e creacion di Corsou, como un pais autonomo dentro di Reino. Su experiencia como specialista den recurso humano tabata masha aprecia y el converti den esun asigna pa Aruba y vicepresidente tambe di e hunta Tribunal Comun di Husticia na Corsou, Sint Maarten, Boneiro, Saba, Sint Eustatius y Aruba, un posicion cu el a keda eherce te algun luna prome cu su fayecimento.

Grace Maduro a nace na aña 1960 y a crece den bario di San Nicolas, Aruba. Su tata, Leoncio, tabata un miembro masha respeta den cuerpo di polis y su mama, señora Sylvia a dedica su bida na cria y lanta su diesun yiunan. E famia di señora Grace a haya e tristo noticia di fayecimento di nan tata, ora cu Grace tabata tin cinco aña. E perdida aki tabatin un impacto hopi grandi riba e famia, specialmente pa e muchanan cu tabata mas chikito e tempo ey. Señora Silvia, mama di Grace, a dicidi di muda pa Hulanda algun aña despues, unda algun di su yiunan mayor ya tabata studiando. Esaki a habri e oportunidad pa Grace, cu a stima su añanan biba na Tilburg. E tabata sinti su mes na cas, tabata stima su scol, su maestronan y su compañeronan di scol. Grace a prospera na Tilburg, unda e tabata comprometi na su lesnan di arte y musica. “Mi tabata asina feliz na Tilburg” el a bisa su amigonan hopi biaha.

Pero e circunstancianan di bida a haci, cu e famia mester a bolbe bek Aruba y Grace a dicidi di sigui cu su lesnan di musica asina mes, sabiendo cu placa tabata limita, el a asumi pa haci algun tarea di cas cu e bisiñanan. Como adolescente e tabata traha, pa por a paga su estudio di musica y tabata durante un di e dianan ey mientras cu e trahando, cu a acerc’e y agredie. Un experiencia devastador, cu a laga e rastronan pa resto di su bida.

Codigo di Proteccion tabata djis un di e esfuersonan cu Grace a asumi, pa mehora e perspectiva y e bienestar di e muchanan na Aruba. Grace tabata e prome presidente di “The Leerorkest Aruba” (e orkesta di educacion), un fundacion cu a establece su mes na aña 2019, pa yuda contribui pa haci e muchanan feliz y complementa a traves di musica. Y Grace a haci esaki, mientras e tabata luchando contra un enfermedad mortal. “Mi tabata puntra Grace pakico el a asumi tur e responsabilidad a pesar di tabata malo”, su ruman homber mayor Hubert Maduro tabata corda. “Di otro banda, si nos no tin e profesionalnan, cu ta ofrece nan mes como boluntario, asina nunca nos por logra un sociedad saludabel.” Esey tabata e meta y mision di Grace den bida. Un bida cu tabata marca pa alegria, pero tambe pa e experiencianan grandi y impresionante.

Grace Maduro a fayece den luna di augustus 2021, un par di luna despues cu Codigo di Proteccion a keda completa. E tabata e lider di e Proyecto di sector di Salud Publico pa e Codigo di Proteccion. “Su fayecimento tabata un gran perdida pa e team. E tabata un persona fantastico, cu semper tabata dedica y motiva pa traha pa e bienestar y proteccion di e mucha- y hobennan di Aruba”. Esaki tabata loke Sue-Ann Ras, asesor di maneho di ministerio di Husticia y Asuntonan Social, encarga cu Departamento di Mucha y Hoben, y responsabel pa e Codigo di Proteccion. “Cada un di nos a keda cu un bunita recuerdo di Grace y cada un di nos ta masha inspira pa sigui cu e trabou di Grace, cu pa gran parti, tabata un lider cu definitivamente a asumi e papel y tabata e motor cu tabata pusha pa logra pa keda cla cu e trabou.”

E tabata un defensor di mucha y di e Codigo di Proteccion, cu tabata un logro supremo den funcion di trabou dedica na conocimento, compromiso y cuido. Esaki ta e herencia di Grace Maduro, un constructor di comunidad y protector di mucha

Un defensor di mucha extraordinario: Señora Grace Maduro

Su pasion definitivamente tabata e bienestar di e muchanan. El a dirigi Insight, un organisacion pa e desaroyo personal na Aruba y tambe el a participa activamente cu e mucha muhernan di scout, enfocando su esfuerso na educa e mucha muhernan pa ta resiliente y pa cuida uno y otro. Pero tambe el a cuminsa lucha cu su propio emocionnan, bon scondi desde cu e tabata un adolescente. Esaki tabata e momento cu el a busca ayudo profesional y a dedica su mes na pintura, como forma pa expresa su emocionnan. A pesar di su enfermedad, Grace su centro di atencion tabata pa crea un lugar mas safe pa e muchanan, a impuls’e pa asumi dos desafio nobo y significativo: Codigo di Proteccion y Leerorkest Aruba. Sue-Ann Ras a pidie pa yuda cu e creacion di Codigo di Proteccion y Grace no a duda ni un rato pa duna un man. E Minister di Educacion e tempo aya cu tabata, Dr. Rudy Lampe, tambe a pidi pa Grace forma parti di un grupo di trabou chikito di “the Leerorkest Foundation”. E grupo di trabou a logra establece e fundacion, cu Grace como e prome presidente, cu actualmente ta ofrece lesnan di instrumento na mas di cuatro shen mucha na cinco scol y educacion musical general pa tur mucha di Aruba. Un herencia pa semper.