Pero no ta tur yamada pa Telefon pa Hubentud Aruba ta dificil. “Nos a ricibi un yamada di un wela, cu a haci e yamada den nomber di su nieta di cinco aña,” Sneek a bisa. “Mi lana a reis. E mucha muher tabata tin un presentacion di Telefon pa Hubentud Aruba na scol y e mucha muher a urgi su wela pa yama Telefon pa Hubentud Aruba, pasobra e number ta hopi importante pa e muchanan. A pesar cu e liña ta pa mucha di ocho aña bay ariba, nos ta contento cu nos mensahe ta yegando na nos publico.”

Gran parti di e trabou di liña di telefon di ayudo ta alinea cu e maneho di Codigo di Proteccion, manera registracion di e caso segun genero, edad y conseho brinda. Telefon pa Hubentud Aruba a uza un registro desde su creacion y for di aña 2011, ta uzando un sistema digitalisa bi-anualmente. E mentornan tambe ta consulta cu Bureau Sostenemi y e propio James, cu ta e Supervisor di e Codigo. “E mentornan ta busca conseho entre nan mes y e personal, ora cu tin un caso dificil y necesario. Den caso di problema di salud mental y abuso, e mentornan ta keda dirigi pa sa kico pa bisa, si e hoben bolbe yama. Evalua e siguridad di e personanan cu ta yama, tambe ta un practica standarisa di Telefon pa Hubentud Aruba, cu tambe ta ahusta na e Codigo di Proteccion.”

Involucra e famia of brinda asistencia segun ta rekeri pa e Codigo di Proteccion ta mas desafiante, ya cu tur e yamadanan ta anonimo. Sinembargo, e personanan cu ta yama ta ricibi capacitacion tocante con pa mehora e siguridad. E protocol ‘Special Ear’ ta permiti e mentor, na peticion di e persona cu ta yama pa haya yudansa inmediatamente, pa manda e caso pa e Bureau Sostenemi den un yamada cortico ‘three-way’. Unabes cu conecta cu e trahado social, e mentor ta laga e yamada, pa garantisa e anonimidad. E asistencia na liña telefonico ta e di cinco paso di e Codigo di Proteccion.

Mientras e servicio ta disponibel 24/7 atrabes di website y aplicacion di app, e liñanan di telefon ta habri di 2 or te cu 6 or pm. E boluntarionan cu ta maneha e liñanan telefonico nos ta yama nan mentor. Ademas di scucha, tambe nan ta coach y brinda orientacion tocante con pa anda cu e problema y supera e problema en cuestion. E reclutamento di mentor ta un proceso riguroso di solicitud y capacitacion, cu ta inclui curso, seminario y retiro, manera bishita na institucion coreccional (prison) y orfanatorio. “E mentornan ta e weso di lomba di nos organisacion,” Sneek ta bisa. “Sin nan nos no por yega na e muchanan.”

Segun James Sneek, e obhetivo ta yuda e muchanan y e hobennan. Pa nan ta autosuficiente, den un mundo di constante cambio y un ambiente cultural, cu por causa un lesion di nek pa e observador. Aruba ta un sociedad cu tono principalmente Caribense y Latinoamericano cu un structura legal Hulandes Europeo. “E mayornan tin tendencia di wanta e man di e muchanan te ora nan tin diesocho aña. Nan lo reacciona riba kico cu ta pasando, por ehempel na scol, sin averigua prome, si nan yiu por resolve e problema riba nan mes.” Pa ora nan ta adulto, hopi di nan ta encontra nan mes ta averiguando kico pa haci siguientemente, sin e habilidadnan di tuma decision y resolve problema, cu ta necesario pa anda cu ne na edad adulto, Sneek ta señala.

Na ningun momento e proceso di coaching ta mas importante, cu ora un bida ta den wega of peliger. Un di eventonan cu a pasa riba dia 23 di december, ora cu un hoben a tuma e decision pa yama Telefon pa Hubentud Aruba. Na principio, e tabata kier a sigura cu e ta keda completamente anonimo. E momento teribel tabata net despues, ora cu e mucha muher a informa cu e mentor tabata na punto di scucha su ultimo rosea. E mucha muher a caba di bebe 23 pilder. “E mentor no a drenta den panico y a keda papia cu e mucha muher, te cu finalmente el a convence e mucha muher pa sali for di su camber y bay cerca su mama, cu tabata algun meter di distancia den un camber diferente. E mama a hiba su yiu muher inmediatamente hospital pa nan laba su stoma.” Mientras e resultado tabata uno positivo, e tragedia ta cu Telefon pa Hubentud Aruba ta mirando un aumento di caso similar, esta cu e hobennan cu intencion di suicidio pidiendo pa yudansa.

Aki ta unda cu coaching ta drenta accion. “Nos a haya un yamada di un mucha muher cu su ex mucha homber tabata presiona su persona cu e tabata kier mas potret suno di dje, di lo contrario e lo publica esun cu e tin di dje. Nos a puntr’e si e ta pensa cu si e manda e potretnan cu e ex tabata pidie, e lo stop. Finalmente, e mentor a gui’e cua ta e pasonan pa tuma, esta, pa conta un hende cu e ta sintie mas comodo y percura cu e persona ta cu ne, p’e no mester enfrenta su mayornan su so.” Telefon pa Hubentud Aruba ta solicita yudansa na e muchanan pa nan busca ayudo den nan propio red, ya sea ta nan mayornan, amigo, welo of wela, tanta of omo of nan maestronan.

Esaki ta e cosnan cu nos muchanan ta lucha cu ne. E yamadanan ta anonimo, pero e informacion cu nan ta proporciona ta mustra e patronchinan aki. Na aña 2016, Telefon pa Hubentud Aruba a cuminsa compila dato, cu ta mustra cu e muchanan kier papia tocante sexualidad, droga y bullying na scol. E luchanan mental hunto cu e abuso tabata e casonan mas frecuente raporta pa esunnan cu a yama. Pero e preocupacionan tocante e dinamica familiar y e comunicacion of falta di nan, tambe tabata halto. “Ta e propio muchanan cu tabata puntra con nan por mehora e comunicacion cu nan mayornan.”

Un herment simpel cu e mayornan tin pa combati e atake aki ta pa mantene combersacion simpel cu nan yiunan, segun James Sneek. E combersacionnan aki riba ‘nada’ ta fomenta confiansa. “E metodo mas simpel pa evita cu un mucha ta haya un desvio di su mayornan y esunnan cu ta cuida nan ta construi espacio safe y cuminsa tene combersacion facil tocante nada. Mientras ta berdad cu e mayornan ta keda cu masha poco tempo den nan agenda druk, estudio di e cientificonan ta mustra cu djis dies un minuut di combersacion diario ta suficiente pa construi e lasonan fuerte di confiansa entre mayor y yiu.” Por ehempel un combersacion sin topico of tocante nada ta entre otro e preguntanan riba kico a sosode riba e dia ey, pakico un mucha ta sinti menosprecio na scol of incluso e mayor a conta e mucha kico a sosode na su trabou. “Bo ta kere cu tin mucha cu ni sikiera sa kico ta e trabou di su mayornan? Of cu e mayornan no tin idea mes cu nan yiunan ta keda lanta te un or di marduga of mas laat, hungando of mirando pornografia riba nan smartphone?”

Sneek, cu tin titulo den Servicio Hudicial Social y Criminologia, ta mira cu e acceso facil na internet ta influencia e desaroyo di e hobennan, specialmente esunnan entre e edad di diestres pa diesshete aña. “Esaki t’e periodo cu e muchanan ta cuminsa aleha di nan mayornan, buscando nan propio imagen, pero keriendo pertenece na un colectividad. Nan ta mas vunerabel na e presion negativo di nan compañeronan. E muchanan aki ta bira preso facil di e adolescentenan mayor di edad cu ta expone nan na sexualidad, alcohol y droga.”

Telefon pa Hubentud Aruba ta un liña di telefon pa e hobennan di Aruba, cu ta facilita e mayornan pa haya sa mas tocante loke ta sosodiendo den e bida di nan yiunan, ta yuda nan cu e tarea dificil di cria nan yiunan den un mundo, marca e cambionan rapido y un avalancha di informacion sin ta filtra, cu ta drenta den un dispositivo chikito gelijm na man di nos hobennan. “E ta un salbabida.”

Telefon pa Hubentud Aruba ta un liña di telefon di comunicacion cu e muchanan tin pa comparti anonimamente nan frustracionnan, nan preocupacionnan y incluso nan traumanan. Tambe nan ta ricibi orientacion tocante con pa anda cu e circunstancianan, incluyendo den nan hogar. Segun e director James Sneek, ta existi un necesidad creciente di e servicio aki.

Esaki ta e conviccion di e Director James Sneek (45), cu ta na cabes di e organisacion durante e ultimo shete añanan. “Telefon pa Hubentud Aruba ta un liña di comunicacion cu e muchanan tin pa comparti anonimamente nan frustracion, nan traumanan y ricibi orientacion tocante con pa anda cu e circurstancianan, incluso esunnan di nan hogar.”

Telefon pa Hubentud Aruba, ta afilia na un “Child Helpline” internacional cu a keda lansa dia 20 di november di aña 1999, como un organisacion di beneficiencia independiente. Cu su number di telefon masha peculiar esta ‘131’ y logo, e ta dirigi na e muchanan y hobennan di ocho pa binticuatro aña. Telefon pa Hubentud Aruba a keda converti den un instrumento valioso (anonimo) pa supervisa e bienestar social y mental di e hobennan di Aruba. “E sociedad tabata bibando den un estado di constante crisis” Sneek ta bisa. “For di e pandemia di coronavirus hasta e crisis di cambio climatico, energia y crisis di inflacion y awo nos ta preparando nos mes pa un crisis di salud mental.”

E necesidad di e asistencia familiar a bira mas urgente na medida cu e mayornan ta pasa mas tempo for di cas. E mama- y e welanan ta forma un gran parti di e forsa laboral awendia, loke ta significa cu e mucha- y adolescentenan ta creciendo sin e supervision familiar tradicional, cu tabata presente den e decadanan atras. “Nos ta tuma por ehempel un mama di De Vuyst, San Nicolas, cu tin cu tuma un bus di unda e ta biba pa bay su trabou den e area di hotel,” Sneek ta bisa. “Ta tuma cuatro ora diario, ademas di su turno di trabou di ocho ora. Ta un tarea gigantesco pa ta mayor awendia. Specialmente debi na e semper presente internet, cu ta permiti continuamente atake online. Esaki ta un mundo cu e muchanan mester siña con anda cu ne.”