Probablemente e doño di trabou no ta keda contento y tuma esaki amblemente cu su empleado ta tuma liber pa keda cu su yiu cu ta hospitalisa y e empleado no por core e risico di perde su trabou.” Linssen ta bisa, cu e ta hiba combersacion tanto cu e enfermeranan como tambe e mayornan. “Mas cu claro, nos ta prefera cu e mayor ta keda cu e mucha of cu algun miembro di famia ta keda cu e pashent chikito. Pero tambe nos tin cu wak e imagen completo y busca e ekilibrio.”

Ambos formulario, e registro di mucha y e chekeo di e muchanan ta conecta cu e Registro Electronico di pashent. Ambos ta keda automaticamente conecta na e printout cu e Supervisor di e Codigo di Proteccion, Ageeth Kock Kasters, ta ricibi tur siman. “Despues e ta selecciona e casonan cu mester keda discuti den e comision di proteccion di mucha.” Te cu awo, e registro di mucha y e chekeo di mucha no a produci coincidencia.

HOH tambe a desaroya e ‘Kind Check’ (check e mucha) cu ta dirigi na cierto adulto, cu ta bishita e sala di emergencia. No tur adulto cu ta bishita e sala di emergencia ta keda gescreen como parti di un control di e mucha; Solamente esunnan cu ta eynan pa intoxicacion di droga y/of alcohol, e personanan cu problema sikiatrico of e personanan cu ta ingresa debi na violencia domestico. “E triage personal di sala di emergencia tin cu cumpli cu e protocol pa puntra e adultonan si nan tin yiu y si nan sa unda nan yiunan ta na e momentonan ey. Si tin un indicacion cu e pashent tin yiu, pero no por of no kier bisa unda e muchanan ta, e personal ta sigui un protocol tocante con por haya informacion specifico di e muchanan. Sinembargo, si tin algun duda, por yama polis pa yuda controla y sigura asina tambe cu e muchanan ta safe.”

E tipo di chekeo ‘Kind-check’ por ta un desafio. “Ta masha dificil pa tin un combersacion cu un persona intoxica of un persona cu ta den un condicion sikiatrico. Pero ta menos problematico pa haya informacion tocante e muchanan den caso di violencia domestico.”

Dr. Rafael Croes ta tuma e iniciativa, ora cu un mucha tin un historial medico y ta programa cita adicional cu e mucha y e mayornan si e comision ta considera esaki necesario. E pediatra tambe por programa yamada cu e dokter di cas di e famia pa haci e preguntanan specifico, pa haya claridad tocante e dinamica familiar. “Mi ta yama e mayornan tambe pa haya contesta riba e preguntanan adicional y si e problema di e mucha no ta medico, sino mas relaciona cu e ambiente socio educativo. E preguntanan ta simpelmente pa wak con ta bayendo y con e mucha y su mayornan ta bayendo cu otro,” Linssen ta splica. E comision ta involucra Bureau Sostenemi (e oficina central di Registro di casonan di abuso di mucha), ora e informacion disponibel ta indica un situacion potencialmente insigur pa e mucha. “Hunto nos ta dicidi tocante un investigacion adicional. Nos ta verifica tambe si un mucha ta pashent of si e ta riba e lista di espera pa keda trata na Respaldo. Si esaki ta e caso, Respaldo su empleadonan ta ricibi un aviso tocante e posibel problemanan di siguridad.”

E mayornan en general, ta coopera cu e contesta riba e preguntanan, ya cu nan ta parti di e porotocol standarisa. “Di mes e mayornan ta keda masha sorprendi, ora nos yama nan manera nan ta bek na cas y ta puntra nos e motibo di e yamada” Linssen ta bisa. “Normalmente nos ta splica nan cu nos ta haci esaki, pa garantisa e bienestar di e muchanan en general y e reaccionnan ta positivo.” Sinembargo, e reaccion di e mayornan tambe ta determina si Linssen ta dicidi di sigui investiga. Un actitud defensivo ta un bandera cora.

E formulario di registracion standarisa ta parti di e protocol na HOH y tabata desaroya den transcurso di alrededor di diesdos aña. Den e prome añanan, e formularionan tabata keda yena completamente manual pa e personal di emergencia. “Mi tin dos aña akinan y mi a logra digitalisa e proceso durante e tempo aki,” Linssen ta bisa. “E sistema ta rekeri pa completa e formulario, di lo contrario no por cera e archivo electronico di e pashent.” Tin un bashi den e informacion, ora cu un mucha no ta bay mas leu cu triage, ya cu e datonan compila no ta completo manera ora un dokter di emergencia atende e pashent. “Tin biaha nos ta detecta un caso di tres of di cuatro bishita na e sala di emergencia. T’e ora ey ta surgi un patronchi.”

Den e comision ta inclui e pediatra Louise Rafael Croes, Else Timmermans di Aruba Mental Health foundation, Respaldo, como tambe Ageeth Kock Kaspers, ken ta e otro superivisor di Codigo di Proteccion na HOH. Kock Kaspers, cu su maestria den gips, a ricibi informacion ora cu un mucha su screen ta mustra cora y ta realisa verificacion adicional di e informacion pa determina si un caso mester keda señala na e comision of no. “Generalmente, tur e casonan cu ta ricibi un codigo cora ta keda manda pa e comision,” Linssen ta bisa. “Nos ta reuni cada dos siman cu otro pa discuti e casonan y establece e medidanan pa sigui.” E personal di sala di emergencia ta capacita pa tuma decision durante nan turno nocturno, pa determina si nan ta sinti cu e mucha ta safe of no.

E mucha por keda hospitalisa pa garantisa un espacio safe, loke ta permiti nos pa haci mas investigacion di e situacion di su hogar. Corina ta a join e pediatra Rafael Croes pa combersa cu e mayornan.

“Tur mucha cu ta bin hospital pa cualkier servicio ta keda samina na nan yegada, no solamente den e sala di emergencia” Linssen ta bisa. “E screening ta den forma di un cuestionario cu tur empleado di triage mester yena completamente. E cuestionario ta yuda pa evalua si tin lesion of keho cu ta ahusta na e edad y/of na e historia di e pashent, si e relacion observa entre e mayornan /cuidadornan ta normal y adecua y si tin otro señal cu mester pone e Codigo di Proteccion den uzo. Si un of mas contesta ta afirmativo, e caso di e mucha ta keda señala na e comision,” Linssen ta splica.

E mihor manera pa proteha e muchanan di un abuso continuo ta door di reconoce e sintomanan y realisa e intervencionnan mas lihe cu ta posibel. Esaki ta e proposito di registracion di mucha, como tambe e sistema di verificacion di mucha “kind-check” cu ta traha cu ne na Dokter Horacio Oduber Hospital (HOH).

“Ambos sistema ta demostrando nan balor, Corina Linssen (56) trahado social di HOH y miembro di e comite di Proteccion di Mucha. Linssen tambe ta e di dos supervisor di Codigo di Proteccion, e codigo nacional di proteccion di mucha na HOH. Despues di hopi aña administrando e institucionnan manera Casa Cuna y estableciendo e Tienda di Educacion (Education Store) pa e mamanan hoben, Linssen ta trahando awor den e campo di trabou social y ehecucion di maneho.

Dokter Horacio Oduber Hospital a establece un sistema pa identifica rapidamente e señal di abuso di mucha. Ademas, e Codigo di Proteccion ta permiti pa rekeri mas informacion tocante e caso, ora cu nan ta mira cu ta necesario. “Nos ta den e posicion pa sigui pidi actualisacion, incluso si e mucha a bay cas y e caso ta oficialmente cera.”