E cambio tambe ta rekeri tempo y esfuerso. Ta rekeri oportunidad, acceso na e informacion y espacio sigur pa dialogo, sin temor pa e consecuencianan. “Scol ta importante. E punto di salida ta respet pa e individuo, pa e mucha por crece y bira un ser humano respetuoso, sigur di su mes y empatico. Esaki ta significa respeta naturalesa diverso di e personanan, pasobra nada no ta iqual. Esaki ta e base pa e tema di genero y no tin nada di haber cu sexualidad. Una bes cu tin respet pa un mucha como ser humano, tur loke ta trata lo demas ta keda na su lugar.” E mesun cos ta pa e mayornan. Nan tambe mester nan espacio sigur, pa discuti nan salud mental, sea ta norma y siña na regula nan emocionnan pa nan ta e mihor modelo pa sigui door di nan yiunan, pa asina converti nan den individuo di funcionamento halto.

Pa logra un sociedad sano basa riba respet, e structura cultural mester keda desaroya den tur nivel, incluyendo e sistema legal. Pa e muchanan ta mas asertivo, e mayornan mester ta habri pa e adaptacion y aceptacion. Esaki por sosode a traves di capacitacion na trabou. E doñonan di trabou por crea espacio sigur pa nan empleadonan, habri combersacion tocante salud mental y permiti cu e personanan por tuma respiracion mental y compronde “cu no ta tur dia ta un bon dia, señora Quant ta bisa. “Di mes esaki tin cu bini cu responsabilidad, pero e discusion tocante salud mental mester ta na prome luga y central.

Mescos cu e muchanan ta pasa hopi tempo na scol, e mayornan tambe ta pasa hopi tempo na trabou y e doñonan di trabou mester ta mas flexibel y proporciona tempo, espacio pa e mayornan aki por asisti na e tayer- y cursonan interactivo, pa yuda nan siña con pa anda cu tension, emocion y pa nan ta bon mayornan. Pero tambe como empleado pa nan por funciona mihor. Nan mester siña na converti nan mes den sernan humano funcional.” Pero pa obliga cada parti pa participa, mester tin structura legal, incluyendo e mensahenan na y a traves di e medionan di comunicacion. “Mester keda monitoria e intervencionnan aki, pa garantisa e rendimento di cuenta di lo contrario esaki no ta bay funciona. Esaki tabata e conclusion di señora Cinthia Quant.

E forma pa preveni e ciclo di violencia ta decodifica un cultura, cu tabata existi durante e generacionnan. “Den un sociedad centra den e adulto, e adulto sa y ta determina tur cos y un mucha no tin bos. Ami por ehempel tabata crea problema pa mi mayornan. Mi no tabata acepta un NO como contesta di mi mayornan y semper mi tabata insisti cu nan mester splica mi e “NO” ey y di mes di e decision ey. Na principio mi tata tabata pensa cu mi tabata faltando su persona respet. Pero incluso, ora mi tabata mucha, mi tabata consciente di mi derecho pa ricibi un rasonamento solido pa un decision tuma pa mi”. Señora Quant ta compronde bou di disciplina un mucha no ta nada facil y recuri na violencia ta mas facil y liher. “Ta mas liher pa corigi, uzando un bofta por ehempel, ora un mucha ta hinca dede den un stopcontact. Pero e coreccion aki ta basa su mes den un relacion di miedo.

Si e mayor of adulto ta tuma e tempo pa splica e mucha, pakico ta peligroso pa hinca su dede den un stopcontact, e mucha mester por compronde y evita asina pa hinca su dede. E comportamento y e cambio aki ta basa riba respet. Hopi mayor ta bisa masha orguyoso cu nan yiunan ta respeta nan. Mi pregunta ta: “Ta respet of ta miedo?” E muchanan aki realmente a compronde y nan ta respeta nan mayornan? Tin mayor probablemente ta evita e comportamento dañino den comparacion cu esunnan cu ta actua pa miedo.

Segun señora Quant, ta necesario pa cambia e stereotiponan di genero aki cu nan ta uza na Aruba, cu ta conduci na violencia. “Un mucha homber cu ta hunga cu un popchi barbie por converti su mes facilmente den un victima di violencia, si e famia ta considera esaki inaceptabel. Si un mucha muher ta obheto di violencia, pasobra nan a protesta pa nan haci tarea domestico, mientras cu e ruman hombernan no mester haci e tipo di trabounan aki. E muchanan ta keda gestempel cu cierto expectativa, solamente pa nan sexo y ora nan no ta pas mas cu e stereotipo y nan ta keda exponi na violencia. Ora hende sali for di e caha cu nan a wordo poni, nan ta core e riesgo di rechaso y violencia. Hopi biaha e cuidadornan primario ta responsabel di e violencia, nan ta supose di ta esunnan cu mas ta stima e muchanan. “Esaki ta normalisa y asocia e amor cu violencia.”

E dinamica di violencia pa cu e muchanan, ta bay mas leu di nan mayornan, ya cu nan ta keda atrapa den un sistema di stereotipo y norma di genero. Señora Quant ta corda un experimento di un baby cu tabata bisti den un color roos, despues den color blauw y con e adulto a reacciona na un manera diferente cu e mucha. E mensahe pa cu e baby bisti den color roos a reforsa e deseonan y e deseonan di stereotipo pa un baby mucha muher, den cua a enfatisa e beyesa y e dulsura, mientras cu e baby bisti den color blauw, nan a bis’e cu e mester ta fuerte y balente. “Semper mi ta pidi e hendenan durante e sesionnan di entrenamiento, pa nan imagina un verpleegster of un bombero. E prome imagen cu bini na mente ta indica con profundo y antiguo stereotipo ta den nos subconsciencia.” Generalmente ta spera cu e mucha hombernan ta mustra menos emocion y no ta siña nan con pa maneha e emocionnan. “Despues como adulto, tur hende ta sorprende nan mes, cu algun hende homber no por maneha nan sintimentonan. No ta algo biologicamente. Ta p’esey nos ta mira, cu no tur hende homber tin problema pa maneha cu nan emocionnan.”

Den e construccion social di Aruba ta fiha nos mes riba un sociedad unda e hende homber ta e hefe di famia, despues sigui pa e hende muher, e muchanan y e naturalesa of medio ambiente como ultimo, segun señora Quant: “Stadisticamente ta mustra cu e mayor parti di violencia ta conduci pa e hende homber, generalmente cu hende muher, pero tambe e muchanan cu ta mira como inferior den un simbolo cultural. Ta mira e muchanan como propiedad, como ser inferior sin derecho na opina. Di mes e adultonan mester guia e muchanan, pero e derecho di mayor ta bin cu responsabilidad y esaki ta implica tambe duna e muchanan enseñansa y maneha nan poder.” Incluso ta siña e muchanan cu algun di nan ta menos cu otro. “Esaki ta un situacion cu ta asina, for di e temponan bieu. Anto esaki kiermen cu cultura mester cambia. No ta cuestion di culpa otro hende mas. Sino laga nos cuminsa na mira nos mes den un spiel.”

No tur pais ta defini GBV mas amplio cu UNHCR. Señora Quant ta considera como termino general pa e actonan dañino contra un persona, debi na kende ta e persona. “Algun pais ta limita violencia di genero como violencia contra un hende muher dentro of despues di un relacion. “Ta importante pa un pais defini GBV, cu tin un componente di violencia interrelacional. Segun señora Quandt: “Pa mi violencia ta basa riba e normanan di genero y stereotipo asocial cu sexo di un persona.”

Sexo, genero y orientacion sexual ta palabranan cu ta spierta hopi emocion y hopi biaha esaki ta inclui rabia, señora Quandt ta splica. Sexo ta referi na e atributonan biologico asocia cu e caracteristicanan fisico y fisiologico di un persona, genero ta un construccion social, cu ta referi na norma, comportamento y rolnan asocia cu nace cu un sexo specifico y e orientacion sexual ta pa ken un persona ta sinti su mes atrai. Segun señora Quant, e terminonan aki ta combina regularmente. Esaki ta haci cu creacion di un perfil di victima GBV mas dificil. “Algun individuo, manera e hendenan cu un status legal of di un red grandi, tin mas proteccion debi na e medidanan construi den un sistema, den ley, unda tur ta diseña pa reduci e riesgo di violencia y abuso. Sinembargo, incluso e profesionalnan cu ingreso halto por experiencia violencia, cu por varia di insulto te hasta discusion cu agresion fisico.”

HIAS ta significa Sociedad Hudiu pa ayudo pa e inmigrantenan, e organisacion di e refugiadonan mas antiguo na mundo, funda na aña 1881 na New York y a habri un oficina na Aruba na aña 2019 pa yuda e Venezolanonan na e isla. Un di e desafionan mas principal cu e poblacion vunerabel ta enfrenta, incluyendo e refugiadonan, ta falta di respet pa e derechonan humano y e exposicion na violencia. Nan situacion iregular ta haci esaki mas vunerabel na violencia, ya cu nan no ta busca ayudo debi na temor pa deportacion.

Segun señora Quandt, ora cu el a termina su educacion, el a bolbe Aruba y a traha durante un aña como psicoterapeuta den caso di violencia na HIAS. El a cuminsa na GBV como un oficial, cu un rol mas cercano na un trahado social, responsabel pa traha e plannan di accion pa e sobrevivientenan como tambe entrena nan. Actualmente e ta dirigi un ekipo di cinco (5) persona, cu ta responsabel pa e grupo di apoyo, defensa, tayer pa e gestion di e casonan, pa yuda e sobrevivientenan y brinda nan capacitacion tocante prevencion y contesta tocante violencia di genero. E concepto aki segun e agencia di Nacionnan Uni pa e refugiadonan (ACNUR) ta referi na e actonan dañino dirigi na un individuo den funcion di su genero por ta inclui daño sexual, fisico, mental y economico causa den publico of priva. Tambe ta inclui menasa di violencia, restriccion y manipulacion.

E muchanan tin e mesun derecho cu cualkier adulto y nan merece respet. Sinembargo e machismo y adultocentrismo a demostra di ta perhudicial pa igualdad y husticia y nan ta parti di un construccion sociocultural cu mester keda desmantela di un manera holistico. Por lo tanto, sexo, genero y orientacion sexual ta tema dificil pa debati aki na Aruba y mester keda inclui den un enfoke integra.

Cinthia Quant (29) tin un base solido for di cual e ta haci tal declaracion. E ta encarga pa coordina y organisa e servicionan di lucha contra violencia (Gender Based Violence) na HIAS Aruba.

Laga nos mishi cu e temanan dificil manera sexo, genero y orientacion sexual segun Cinthia Quandt. “Tur cos ta cuminsa cu respet pa naturalesa diverso di e persona, pasobra ningun hende no ta igual.”

Ilustración: Studio Fonq