Codigo di Proteccion, CdP, tambe ta un excelente instrumento pa traha na prevencion. Esaki ta contene strategia, pa pone fin na violencia contra e muchanan, incluyendo e implementacion di e leynan relaciona cu maneho y denuncia di abuso di mucha. “Codigo di Proteccion ta perfecto pa facilita e profesionalnan di e sector di salud, sector di educacion, sector di husticia y servicio social, cu e pasonan cla y simpel cu nan por sigui, ora cu nan tin sospecho di abuso di mucha. E ta harmonisa y mi ta pensa cu e ta excelente.” E resultadonan preliminar di e impacto di e Codigo di Proteccion ta basta prometedor,” señora Eugene ta conclui. Kisas, cu e pasonan corecto, e muchanan na Aruba por tin un storia mas alegre pa conta finalmente.

Ta importante pa e asistentenan di e maestronan tambe tuma e cursonan obligatorio tocante con pa siña e muchanan maneha nan emocionnan, na luga di solamente enfoca riba aspecto Academico. E tema mester ta dilanti y central pa preveni abuso. “Ta e ora, nos ta pone e ser humano central den e desaroyo humano. Nos mester di e desaroyo economico aki, pero ta e muchanan mester ta central den e desaroyo.”

Señora Eugene ta convenci cu e pasonan aki ta factibel y rendabel. “Nos por uza tecnologia pa facilita, por ehempel, binti episodio di un curso online, di dies minuut di duracion cada un, pa e maestronan y e mayornan na nan trabou, mediante e Departamento di Recurso Humano como parti di un campaña educacion masivo. E sistema ta registra e momento cu e personal ta cuminsa cu e sesion di scucha e serie educativo online, tocante abuso di mucha y completa e cuestionario di evaluacion.”

Eugene a informa cu for di e estudio a demostra cu e muchanan ta conta nan maestro, nan mentor y nan amigonan na scol, na e momento cu nan keda abusa. Pa preveni mas abuso ta rekeri pa educa e grupo aki tocante e prome indicacion di tur tipo di abuso, Eugene ta splica, “P’asina ora e muchanan papia, nan por duna un nomber, un etiketa y duna conseho na nan compañeronan di unda pa bay pa nan por haya ayudo. P’esey nos mester empodera e scolnan, e clubnan hubenil, e clubnan deportivo of tur caminda cu e muchanan aki ta frecuenta.”

Mientras e sistema di educacion y salud na Aruba ta esunnan mas activo pa reduci e violencia contra e muchanan, señora Eugene ta kere cu ainda tin espacio pa mehora. El a compara e datonan na Aruba cu e poco estudio realisa den e region, concluyendo como un causa probabel cu den Caribe, nos no a socialisa pa comunica nos emocionnan, nos pensamentonan y pidi loke nos kier. “Comunicacion efectivo no ta algo cu e hendenan Caribense ta domina. Nan a siña nos, pa ta inferior cu nos colonisadornan y nos a transmiti e balornan negativo aki pa nos yiunan.”

E estudionan ta recomenda aprendizahe social y emocional na scol y tambe pa e mayornan por maneha y controla mihor nan propio emocionnan, pa por comunica mihor nan pensamentonan sin necesidad di recuri na gritamento como tambe con pa bisa no. “Como Caribensenan, nos no ta masha asertivo den nos propio idioma y esaki nos a transmiti di generacion pa generacion,” Eugene a sigui bisa. “Esaki ta loke mi a descubri den literatura relevante y por aplica na Aruba tambe. Aruba tin un complicacion adicional di tin un educacion basa riba idioma Hulandes, mientras cu mayoria di hende ta papia Papiamento. “Con e muchanan por expresa nan emocionnan na scol den un idioma, cu no ta nan idioma materno? Por lo tanto e sistema educativo ta limita aprendizahe di e muchanan pa comunica y expresa nan mesun pensamentonan, nan emocionnan y nan creencianan, como tambe loke nan kier y na su turno minimalisa abuso emocional.”

Sinembargo, e sistema mester ta uno consistente. Na Sint Lucia, e pais natal di señora Eugene, el a facilita hopi programa di orientacion entre e mayornan, cu a considera nan mes exitoso den termino di participacion activo. Pero, dentro di algun luna, e mayornan a bay bek na e patronchi bieu di disciplina e muchanan cu e castigonan hopi severo. “Pakico? Pasobra e ciclo di violencia ta incontrolabel den nos sociedad. Nos ta pasando di un generacion pa otro generacion, sin cura nos heridanan di pasado.”

Señora Eugene ta recomenda un acercamento di generacion pa generacion pa preveni maltrato di mucha. Esaki ta rekeri pa reuni e famia di multiple generacion den un espacio, pa laga nan conta nan storia di abuso y educa nan mes riba e impacto di abuso. E siguiente paso ta, pa tur persona den e espacio ey compromete nan mes: “Cu nunca mi lo continua cu e tipo di violencia aki den mi famia y mi bida profesional. Por ehempel, como maestro di mi klas, como supervisor na mi trabou of den cualkier otro ambiente, mi ta priminti di no permiti ningun tipo di violencia hamas.”

Educa e mayornan ta primordial, ya cu nan ta primeramente responsabel p’e parti di socialisacion di e muchanan, señora Eugene ta enfatisa. “Si e mayornan aki ta bini for di un hogar, den cua e muchanan a experiencia violencia, e violencia aki ta bira algo cu ta bini di generacion pa generacion. Pero, ora cu e personanan aki ta consciente di kico ta violencia, nan ta evita esaki door di haci mihor. Ora e mayornan tin e recursonan, nan ta bay hopi bon den bida y cu e apoyo di un sistema solido di monitorea y evalua, siguramente nan lo hacie excelentemente bon.”

Pa tin un mihor bista di e bienestar na Aruba, particularmente di e muchanan, ta tempo pa nos cambia nos mentalidad y pone nos producto Gross Domestic Product (GDP) un banda, como e indicacion di mas importante di calidad di bida. Na luga di esaki, señora Eugene ta argumenta cu, e merito di e structura teoretico di e cuadro di e capacidadnan humano (HCA), cu ta contempla dies capacidad, cu ta inclui bida, salud corporal, integridad, emocion y control riba uno su ambiente. Pa evalua e desaroyo basa riba e GDP, ta necesario pa e ingreso di un pais ta keda poni central riba e economia. “Mi argumento pa cu esaki no ta bisa masha di e calidad di bida di e personanan of specificamente di e muchanan.”

Pa realisa e cambio pa HCA, Aruba mester desaroya un registro di facilidad pa e muchanan basa riba nivel di capacidad, uzando e dies capacidadnan como regla di oro, pa evalua e rendimento di nos muchanan. E registro di facilidad cu e muchanan lo mester ta e instrumento principal pa evalua e calidad di bida di nos muchanan, anto den tur aspecto di bida, tanto den termino di salud, educacion y bienestar spiritual, como emocional y psicologico, uzando esaki como referencia p’e convencion di Nacionnan Uni tocante e derechonan di e mucha, señora Eugene ta sigui bisa. Un forma di determina con bon e cosnan ta bayendo den un pais, ta puntrando con ta bayendo cu nos muchanan, pasobra nan lo crece y converti den adultonan, treciendo cu nan, nan mesun desafionan psicosocial y nan ekipahe, cu lo afecta nan calidad di bida y nan capacidad pa nan ta mas productivo. Un beneficio adicional: ta un forma positivo tambe pa yama atencion tocante un problema, en bes di keda focus riba ta negativo. “E gobierno, cu ta na encargo di maneho, mester ta na cabes di e transicion pa HCA. Sinembargo, e responsabilidad tambe ta di e trahadornan social, e educadornan, e profesionalnan di salud y e sistema di husticia social pa aplica e acercamento aki. Ta crea asina un ambiente di siguridad pa nos muchanan florece, ya cu e prevencion di abuso di mucha ta fundamental.”

For di e estudio a keda hopi cla cu e edad, sexo y e nivel socioeconomico ta e factornan predictivo predominante di abuso. Esaki ta significa cu mas grandi e edad di e muchanan aki ta, mas e risico e ta, di ta un obheto di abuso sexual, maltrato fisico y emocional y testigo di violencia entre e mayornan. Genero tambe ta un pronostico pa presencia violencia entre e mayornan, segun e splicacion di señora Eugene. “Mas tanto e mucha muhernan compara cu e mucha hombernan a raporta cu nan a presencia violencia entre nan mayornan. E posicion socioeconomico tambe ta un pronostico di e factor aki, unda cu mas abou e nivel socioeconomico di e famia ta, mas probabilidad tin p’e mucha hombernan tambe experiencia abandono y ta testigo di violencia entre nan mayornan. Mas halto e nivel academico di e mayornan ta, menos probabilidad tin p’e muchanan aki experiencia violencia domestico, particularmente violencia entre e mayornan den nan hogar. Loke ta tambe den liña cu e tendencia global.

E cifranan ta alarmante, segun señora Eugene. “Esaki ta significa, cu un promedio di ocho di cada dies mucha a experiencia un abuso.”Pero tin un razon, dicon e cifra di negligencia ta diferencia masha hopi mes for di otro estudio, segun señora Eugene. “E numbernan aki cu mi ta presenta, ta basa riba experiencia biba pa e mesun muchanan. Otro estudio, ta basa riba e observacionnan di e maestronan, cu a nota ora cu un mucha ta yega scol mal bisti of ora un mucha tin hamber, cual ta refleha un resultado diferente. Ta obvio, ora cu negligencia bira mas predominante. Pero e maestronan no por observa facilmente abuso emocional of hasta abuso fisico.”Ademas, e muchanan aki por tin un interpretacion diferente di negligencia. Tanto mucha homber como mucha muher ta experiencia abuso na mesun manera. Sinembargo, mas mucha homber ta experiencia abuso sexual pafo di circulo familiar, mientras cu mucha muhe ta paden di circulo familiar. E fenomeno aki ta den e mesun liña cu e otro nacionannan Caribense y nivel mundial.

Lamentablemente, ora cu e muchanan na Aruba conta nan storia, pa hopi di nan, esaki no ta un cuenta di hada. Esaki ta e conclusion, cu a sali for di e estudio “Prevalence of Child Maltreatment and Human Capabilities in Aruba,” skirbi pa señora Clementia Eugene, profesor y candidato pa PhD na Universidad di Aruba. E obhetivo di e estudio aki tabata pa facilita e evaluacionnan nacional predominante di maltrato di mucha, poni den teoria e maltrato di mucha den un contexto hopi amplio di e desaroyo di mucha y mehoracion di e maneho- y e programanan di prevencion specifico, pa duna e servicio di intervencion pa proteha e muchanan di Aruba. “Ta importante pa reconoce e resultadonan di un estudio, cu a origina y ta basa riba un encuesta haci na scol. “Esakinan ta e experiencianan cu a keda raporta pa e mesun muchanan.”

Segun e informacionnan acumula, e cantidad di mucha, cu ta experiencia abuso di mucha ta alarmantemente halto na Aruba. Un percepcion cu ta dificil pa kibra, segun e investigado señora Clementia Eugene. Pero tin speransa: “Pasobra, ora cu e mayornan haya e recursonan y e apoyo adecua, e cosnan aki por cambia”. “Ora cu e personanan sa mihor, nan ta hacie mihor ainda.”