Bureau Sostenemi ta e entidad central cu ta denuncia e maltrato di mucha na Aruba. E bureau ta conseha y apoya otro di loke nan por haci pa yuda e muchanan aki mihor. Ademas, e personal ta conduci e combersacionnan cu e famianan basa riba e notificacion. E obhetivo ta pa restablece e siguridad di e muchanan cu a keda denuncia. E proceso di trabou ta basa riba e protocol di tratamento di Bureau Sostenemi, cu ta implica e pasonan specifico dentro di cierto plaso, pa un total di diesdos siman inicialmente. Por ehempel, e ambiente familiar di e mucha mester keda evalua dentro di cinco dia despues di ricibi e prome informe y mester identifica tur partido responsabel, incluyendo Bureau Sostenemi y e mayornan. E proceso tambe ta implica e acumulacion di informacion relevante tocante e famia, e preocupacion- y potencialnan. E siguiente paso ta, pa crea un plan cu ta inclui un compromiso di e familiarnan y otro proveedornan di cuido pa garantisa e siguridad riba largo plaso. Bureau Sostenemi, despues di un periodo di evaluacion, ta transferi e supervision na e proveedornan di cuido relevante, pa garantisa e siguridad di e mucha. E proveedornan aki ta informa Bureau Sostenemi si e desaroyonan dentro di e famia no ta suficiente, pa garantisa e siguridad di e mucha. Bureau Sostenemi ta dispone di mas informacion riba nan website







Sigui bay abou

03

Latour ta enfatisa cu tin dokter di cas, cu ta tribi di asumi e desafio aki, pero nan mester haya e forma- y hermentnan necesario, pa medio di curso di kico tur e Codigo di Proteccion ta encera. E Codigo di Proteccion ta un herment masha valioso den e proceso aki, Latour ta conclui. Y kisas asina, Aruba no tin cu tuma e decisionnan dificil tocante con ta proteha nos muchanan mihor.

Latour ta splica cu, ora cu el a asumi e rol di un dokter confidencial, e dokter ta capaz di hiba e combersacionnan dificil y profundamente personal cu e famia. “Den mi experiencia, e prome reaccion di e famia, ora cu mi a acerca nan tocante nan yiu tabata cu, “mi kier kita nan derecho como mayor”. E dokternan tambe mester siña, pa garantisa y trankilisa e famia y convence nan cu, nan ta eynan pa yuda e famia y sigura cu e mucha ta safe. E combersacionnan por tuma algun tempo, debi na e tipo di pregunta, cu ta enfoca riba e factornan di stress, como tambe e problemanan financiero of di relacion, cu por contribui na un situacion insigur pa e mucha. E meta ta, pa yuda e famianan pa maneha mihor nan conflictonan, pa asina nan por proporciona un mihor bida pa nan yiunan.

En principio, un dokter di cas of un pediatra por tuma e tarea aki for di un dokter confidencial. “Nan tambe por raporta e casonan sospechoso. Pero nan tambe por eherce un rol hopi mas grandi, manera nan familiarisa cu e Codigo di Proteccion y cu nan ta sinti nan mes comodo cu e tema.”

02

E obhetividad ta di suma importancia pa garantisa un resultado husto, Latour ta enfatisa. “Sin un carga di prueba concreto, ta hopi difícil pa condena e malechornan y esey ta genera desconfianza den e sistema”, Latour ta afirma. “Tambe e personanan, cu a keda acusa inhustamente, por keda declara liber.” Mientras un dokter confidencial ta contribui na un mihor servicio na e victimanan y su famia en general, e escogencia di un dokter forensico ta basa su mes riba e prioridad di haci husticia pa su victimanan.

Mientras hopi por pensa cu un dokter confidencial y un dokter forensico ta haci un trabou similar, e elemento crucial pa e poder hudicial ta e obhetividad. Un dokter confidencial ta establece un vinculo cu e victima y su famia y no ta imparcial mas den e investigacion penal. “Ideal ta, pa nos tin ambos dokter na Aruba,” Latour ta bisa.

E dokternan forensico ta realisa e investigacionnan riba e personanan bou nomber di polis of fiscal. Esaki ta inclui e casonan di abuso di mucha. Mientras cu e dokternan confidencial por samina un mucha of posibel victima ora ta existi e sospecho di abuso, ta un dokter forensico ta esun responsabel pa compila e pruebanan cu tin mester pa un prueba hudicial. “Ta e dokter aki so por establece e causa, si e plekinan blauw ta coresponde cu e informacion di e mucha, cu ta afirma cu e plekinan blauw aki tabata, por ehempel, di un resultado di un caida, pero ta e dokter forensico ta esun, cu ta determina cu e plekinan aki tabata causa door di un obheto of tabata di un mokete.” E dokter forensico ta recoge e ADN y sperma y ta tene un combersacion cu e victima, na un forma obhetivo, bou nomber di poder hudicial. Cualkier evidencia ta keda añadi pa e polisnan. Por lo tanto e pruebanan por conduci na un condena of na liberacion.”

01

“Un dokter confidencial por yama e sala di emergencia, pa haya informacion specifico di e mucha, por ehempel, con frecuente e mucha a bishita e sala di emergencia y cua tabata motibo of e motibonan di e mucha su bishitanan na e sala di emergencia. Si e datonan ta sugeri cu e mucha ta den un situacion vunerabel, e caso ta bira uno di prioridad halto.” E dokter den e caso aki tambe por elimina e casonan di abuso, ora tin un splicacion rasonabel pa e plekinan blauw. Den cualkier caso, ta studia e caso y si tin indicacion serio di abuso di mucha, e siguiente pasonan lo ta, pa traha cu e famia pa yuda nan crea un ambiente di siguridad den e hogar mes, pa mantene e mucha masha leu for di e abusadornan y/of presenta un denuncia penal. P’esey pa e ultimo motibo aki, ta di masha importancia pa tin un dokter forensico.

Un dokter confidencial ta traha riba e aspecto social di e casonan di abuso, mientras cu e dokter forensico ta un dokter hudicial, responsabel di e investigacionnan criminal den e casonan di abuso y maltrato, segun Latour ta splica. Un dokter confidencial por samina un posibel victima, por ehempel, pa busca e posibel marcanan manera; e plekinan blauw, cu por indica e abuso y te hasta ta na encargo di e aspectonan medico den caso cu e institucionnan publico mester determina e casonan di abuso y e pasonan necesario pa adresa e problema. E dokter aki ta e unico dokter, cu por compila e datonan medico for di hospital. E dokter di cas of pediatra di e pashent, hunto cu e trahadonan social, ta dicidi pa pone un plan di accion. Di e manera aki, ta respeta e derechonan di privacidad y e obligacionnan legal di e partidonan involucra.