The content of this presentation represents the views of the author only and is his/her sole responsibility. The European Commission does not accept any responsibility for use that may be made of the information it contains.

UNICEF Hulanda ta trahando desde 2019 cu gobierno di Aruba y varios organisacion local pa fortalece e sistema di proteccion di mucha. E revista online ta forma parti di e proyecto (ACT4ECC) “Awareness-raising” y “Capacity-building Toolkit” pa proteccion di tur mucha Europeo y Caribense, cu e meta pa aumenta conscientisacion y ‘capacity building’ di e profesionalnan cu ta traha cu y pa mucha.

Di e manera aki, ta mehora e prevencion y identificacion trempan di e muchanan den necesidad. E proyecto ACT4ECC ta coordina pa UNICEF Hulanda y implementa den colaboracion cu e Gobiernonan di Aruba, Corsou, e Universidad di Corsou, e Academia Augeo y e Asociacion di Paisnan y Teritorionan den Exterior. E proyecto ta co-financia pa e programa Ciudadano, Igualdad, Derecho y balor (CERV) di Union Europeo.

Augeo Foundation ta kere cu e muchanan mester crece safe y cu amor. Ta p’esey nos ta traha hunto cu e profesionalnan, e formadornan di ley y voluntario pa ataca e abuso di mucha y violencia domestico di e manera mas rapido y efectivo posibel. Si mas persona mira loke nan por haci pa un mucha, nos por haci un diferencia pa e futuro di un mucha. Cu capacitacion online, un revista online y e experiencianan di “Youth Taskforce” nos ta empodera nos profesionalnan.

Nos ta organisa apoyo pa nos muchanan y su mayornan hunto cu e municipionan, nos ta conduci investigacion pa ataca e abuso di mucha na Hulanda. Augeo Foundation ta un fundacion “non profit” cu su cede na Hulanda cu ta financia cu donacion di bienes familiar. Nos ta uza e posicion independiente aki pa implementa activamente e mihor pioneronan y fortalece e progreso.

Asertivo, Creando un Sociedad Sigur y Harmonioso ta e nomber di e revista online di Codigo di Proteccion. Asertivo, (“assertive”) ta e capacidad cu e profesionalnan, e muchanan y e comunidad mester desaroya pa papia pa e muchanan di un manera honesto y respectoso. Tur dia, nos ta den e situacionnan, unda ta asertivo por yuda nos. Ta asertivo, ta un habilidad di comunicacion central, cu por yuda bo expresa di un manera efectivo y defende bo propio punto di bista. Tambe por yuda bo pa haci esaki respetando e derechonan y creencia di otro.

A traves di e revista aki, Asertivo, e profesionalnan por comparti historia, mihor practica, conocemento, conseho y otro informacionnan relevante cu nan ta compila den nan trabou diario di proteccion cu mucha y mayornan y/of cuidadornan. Tur cu e meta pa crea un ambiente safe pa nos muchanan.

E prome edicion di revista Asertivo ta produci pa Departamento di Mucha y Hoben (unda Codigo di Proteccion ta ancra) den colaboracion cu e Ministerio di Husticia y Asuntonan Social y Fundacion Augeo y UNICEF Hulanda, co-funda pa Union Europeo y publica pa Augeo Foundation.